Egurra gizakiak duen baliabide naturalik zaharrena da. Egurrak ezaugarri fisiko eta mekaniko bikainak dauzka, eta, gainera, baliabide berriztagarria da; beraz, ia-ia agortezina da, baldin eta ekoizpen-teknikak egokiak badira. Antzinatik erabili izan da eraikuntzan. Izan ere, gizakiak eraikitako lehenengo aterpeetako bat landare-elementuz eraiki zen: adarrak, kanaberak, enborrak eta abar. Kultura eta garai ezberdinetan, beste material batzuk erabili dira egurrarekin batera, esaterako, harria, adobea edo adreilua, eta, horrela, material bakoitzari bere eraikuntza-funtziorik egokiena ematen zaio.
Odontopediatria haurren eta nerabeen (haurtzaro goiztiarretik 18 urtera arte) aho-osasunaren arretan espezializatzen den odontologiaren adarra da. Paziente gazteen hortz-premia espezifikoez arduratzen da, hortz arazoen prebentzioa, diagnostikoa eta tratamendua barne, eta baita txantxarra, traumatismoak, maloklusioak eta ahoko beste gaitz batzuk sendatzeaz ere
Produktu bat erosten dugunean, gehienetan ez dakigu haren jatorria zein den; nork egin duen (fabrikatzailea), saltokira nola iritsi den, bidean zenbat bitartekari eta biltegi izan diren, etab. Prozesu logistikoak produktu baten trazabilitatea ezagutzea ahalbidetzen digu, ezagutzea zer bide edo zirkuitu egin duen jatorritik gure erosketa-orgara iristen den arte. Enpresaren ikuspegitik, logistika hauxe da: zenbait teknika aplikatzea denborak laburtzeko, garraiatze-/ biltegiratze-kostuak murrizteko eta lor dadin produktua azken hartzailearengana iristea behar duenean, behar duen tokian eta kalitateari nahiz kantitateari buruzko gogobetetasun osoarekin.
Komertzializazio eta marketin terminoak sinonimoak dira; biek egiten diete erreferentzia bezeroen premiak ezagutu eta asetzea xede duten enpresa-jarduerei. Marketinaren lehen definizioen helburua marketinaren inguruan zegoen sentipen orokor txar bat arintzea zen, jendeak pentsatzen baitzuen haren xede bakarra enpresaren irabaziak handitzea zela. Hain zuzen, definizio horiek guztiek modu berean aurkezten dute: kontsumitzaileek dituzten premiak asetzea ahalbidetzen duen enpresa-tresna gisa. American Marketing Association elkarteak marketinaren definizio moderno eta oso bat ematen du: «norbanakoak eta erakundearen helburuak aseko dituzten trukeak sortzeko ideiak, produktuak eta zerbitzuak pentsatu, komunikatu, banatu eta horien prezioak ezartzeko plangintza- eta gauzatzeprozesua». Marketinaren ikuspegi gutxiesgarri hori aldatu egin da denborarekin, eboluzionatu egin duelako eta irabazi asmorik gabeko helburuekin erabili izan dutelako. Gaur egun, Gurutze Gorriaren eta Trafikoko Zuzendaritza Nagusiaren kanpainetan ere erabiltzen dira merkataritza-estrategiak, osasunerako eta gizarterako kaltegarriak diren ohiturak murrizteko (esaterako, drogen, alkoholaren eta tabakoaren kontsumoa) eta abar.
Lan Prestakuntza eta Orientabidea eta Enplegurako Ibilbide Pertsonala I moduluetarako materiala
Enpresa eta Ekimen Sortzailea eta Enplegurako Ibilbide Pertsonala II moduluetarako materiala
Irakaslearen 64 azalpen bideo sortzen ari gara
Ziklo industrialetarako bideotutorial sorta. Multzo Hidraulikoak eta Metagailuak bideoak argitaratu dira. Bideo gehiago sortzen ari gara.
Hezkuntzarako baliabideak euskaraz: artikuluak, bideoak, Ikusgela...
Hezkuntzarako baliabideak jasotzen dira: Ikusgela bideoak, artikuluak, proiektuak...
Lanbide Heziketako materialak euskaratu eta digitalean irakasleei eskaintzea.
